Vendimi i marrë nga Gjykata e Krimeve të Rënda, lidhur me ish-ministrin Sajmir Tahiri ka shkaktuar jo pak debate në Shqipëri. Por, teksa kthehet në kryefjalën e ditës dhe shëmbëlltyrën e drejtësisë shqiptare, çështja Tahiri të kthen pas në kohë, ku shumë pak politikanë janë dënuar për veprat penale të kryera gjatë ushtrimit të mandateve të tyre.
Ndër to është edhe Spiro Ksera, i cili ka nguruar të komentojë vendimin e gjykatës për Tahirin.
Përmes një komenti në Facebook, Ksera kujton kohën e tij në korridoret e burgut ndërkohë që tregon edhe kuptimin e vendimit që është marrë për ish-ministrin Tahiri.
“Mënyra si më ndaluan në mes të fshatit Derviçan, ishte identike si regjimi diktatorial komunist arrestoi të afërmit e mi. Te masa e sigurimit u mbrojta duke thënë se ishte diskriminim i hapur. Në ambjentet e 313-tës u njoha me Milin, Capjat, Denisin e shumë të tjerë dhe mëova ato që nuk besoj se bëhen në politikën shqiptare. Gardianët u sollën mirë (më thanë se pas Nanos je politikani i dytë në korridoret e burgut), unë u thash se do të jem i fundit. Këtë e vërtetoi edhe gjyqi i Saimir Tahirit. Dhe e fundit, lexo arsyetimin e gjyqit tim, ku nuk thotë në asnjë fjali që jam i fajshëm, vetëm tek vendimi në fund. Por, përballë partive politike,sistemit dhe qytetarëve ndjehem i lirë,” shkruan Spiro Ksera.
