Anëtari i Këshillit Kombëtar të PD-së në postim në Facebook ka reaguar ashpër në lidhje me ngjarjet e fundit politko-mediatike dhe situatën e kryeqytetit të Tiranës i cili prej disa ditësh ndodhet pa ujë. Ai shkruan se mediat duhet t’i kushtojnë më shumë hapësirë dhe vëmendje furnizimit të banorëve me ujë sesa librit Blloku i Enver Hoxhës apo çështja e Tahirit.
Sipas Shanos, kryebashkiaku Veliaj bën pordhë dixhitale në Londër por dixhitale as pihet as lahet dhe ngre pikëpyetjen se lënia e Tiranës pa ujë mund të jetë strategjia e administratës bashkiake për të dhënë ujësjellësin e Tiranës me konçesion tek klienti i radhës.
Nga Dritan Shano
Mediat shqiptare, dhe ato ndërkombëtare me sytë nga Tirana?! Një pjesë e madhe e Kryeqytetit ka 4 ditë pa ujë !!! Kryetari i bashkisë bën pordhë dixhitale në Londër. Po dixhitale as pihet as lahet.
Asnjë investigim, asnjë përgjegjësi a thua se kjo është gjendje normale.
Emisionet euro-milionere të darkës merren me Bllokun e Enver Hoxhës dhe Tahirin a thua se këto gjëra janë më të rëndësishme se furnizimi me ujë i banorëve. Portalet, shtypi, etj., nuk merren me furnizmin me ujë se u duket çështje ordinere; ato merren me reforma dhe me porositë e Merkel ndoshta. Ndërkohë, qytetarët e Tiranës kanë 2 vjet që paguajnë ujin sikur të ishte parfum francez.
A është kjo strategjia e administratës bashkiake për të dhënë ujësjellësin e Tiranës me konçesion tek klienti i radhës? Me këtë duhet të merret Prokuroria e Republikës, edhe pse drejtorit të Sarandës që eksperimentoi duke e lënë qytetin bregdetar pa ujë për 3 ditë rresht nuk i hyri gjemb në këmbë.
Kur do kem ujë në rubinet zotërinj të bashkisë ???
