Një konflikt i nisur në mjediset e shkollës ka vijuar disa orë më pas në lagjen Vasil Shanto në Shkodër, atje ku mbrëmjen e djeshme u plagos me mjet prerës, 16-vjeçari K.S.
Policia ka mundur të zbardhë ngjarjen e rëndë, ndërsa 16-vjeçari ndodhet në spital nën kujdesin e mjekëve.
Ngjarja ka ndodhur rreth orës 20:00, të së enjtes. Policia arrestoi autori e dyshuar, të plagosjes, shtetasin B. Gj., 17 vjeç, banues në lagjen “Mark Lula”, Shkodër, i cili u a rrestua për veprën penale “Plagosja e rëndë me dashje”.
Ndërkohë ndiqet në gjendje të lirë shtetasi A. R. 19 vjeç, banues në lagjen “Skënderbeg”, Shkodër.
Këto shtetas gjatë ditës së djeshme ishin konfliktuar me shtetasin K. S. në ambjentet e shkollës dhe më pas gjatë mbrëmjes kanë komunikuar me telefon dhe janë takuar në lagjen “Vasil Shanto”.
Ata janë konfliktuar fizikisht e më pas shtetasi B. Gj. ka nxjerrë një mjet prerës, me të cilin ka goditur disa herë shtetasin K. S. në këmbë dhe brinjë.
Materialet iu referuan Prokurorisë së Rrethit Gjyqësor Shkodër për veprime të mëtejshme.
