Gjykata e Krimeve të Rënda shpalli mbrëmjen e djeshme vendimin ndaj ish-ministrit të Brendshëm, Saimir Tahiri, i cili u shpall fajtor për shpërdorim detyre dhe u dënua me 5 vjet heqjes lirie, që iu konvertua në 3.4 vjet shërbim prove.
Gjyqi ndaj Tahirit është monitoruar në çdo seancë nga dy përfaqësues të Ambasadës së SHBA.
Po kështu edhe dje dy punonjëset e Ambasadës kanë qëndruar gjatë gjithë kohës në mjediset e gjykatës, në pritje të shpalljes së vendimit.
Nuk dihet roli i zonjave apo pozicioni që ato kanë në selinë diplomatike, por çdo proces gjyqësor me interes të lartë publik, është monitoruar nga përfaqësues të Ambasadës së SHBA.
Kjo ndodhi me gjyqin ndaj Shullazit, më pas ndaj Balilit, i konsideruar si “Eskobari i Ballkanit”, dhe së fundmi me Tahirin.
Në proceset e monitoruara prej tyre të pandehurit janë dënuar me burg, sikundër edhe Tahiri, pavarësisht se nuk do të vuajë dënimin në qeli, për shkak të konvertimit të tij.
