Kryeministri Edi Rama përmes një postimi në rrjet thotë se është koha për një përshkallëzim të ri kundër korrupsionit.
Madje Rama shkruan se për çdo student që do të denoncojë me prova rastet korruptive do të përfitojë zero tarifë dhe bursë studimi.
“Po punojmë për një program nxitjeje kundër heshtjes dhe denoncimit me provë abuzuesit”, shkruan Rama në rrjet.
Nuk dihet sesa efektiv mund të jetë ky model i ofruar nga Rilindja për të luftuar korrupsionin, kur vetëm nga raportet e depozituata nga KLSH për abuzime me fondet shtetërore, ende nuk ka ndonjë rast që zyrtarët e përfshirë në rastet korruptive të shkarkohen nga detyra apo të hetohen.
Rastet më flagrante janë ato të dosjeve 339 dhe 184, kur kupola drejtuese e Rilindjes u kap në përgjime në atë që mund të quhet korrupsion zgjedhor, duke blerë votat apo ushtruar presione për tjetërsimin e saj.
