32- vjeçari Alger Koleci, i cili kërohet prej disa ditësh nga familja që pretendon se ‘përndiqet nga mafia ruse’ duket se nuk është ai djali i pafajshëm që rezulton në foto dhe përshkrimin e të motrës në polici. Sipas informacioneve, rezulton se Koleci nuk është një emër i panjohur për policinë dhe kronikat e zeza në vend. Jo më larg se një vit më parë, më 23 shtator të 2018 ai është përfshirë në vrasjen e një të riu ndërkohë që Algert Koleci në bashkëpunim me të vëllanë, Admir dhe të atin Mehdi ka dhunuar me sëpatë nusen e xhaxhait Qefsere Kolecin.
Dy familjet Koleci kanë banesat ngjitur në fshatin Armathë të Manzë në Durrësit dhe prej kohësh kanë pasur një konflikt pronësi. Për rreth 5 vitesh, familja e Medi Kolecit kishte kthyer një hapësirë që shërbente si rrugë, në ullishte.
Për shkak se ky veprimi i kishte bllokuar kalimin për në tokën e saj, e dhunuara Qefsere Koleci kishte bërë kërkesë në IKMT dhe një mëngjes shtatori forcat e IKMT Durrës shkuan për të prishur ullishtën e 61- vjeçarit Medi Koleci.
Mehdi Koleci së bashku me dy djemtë e tij, Admir dhe Alger kanë kundërshtuar forcat e INUK dhe të policies. Ata u shoqëruan në komisariat ku qëndruan gjithë natën.Por mëngjesin e ditës së nesërme, Mehdiu së bashku me dy djemtë shkruan në banesë dhe u zunë me kunatën e 62-vjeçarit, Qefsere Kolecin.
Sipas burimeve nga policia në njoftimet zyrtare të para një viti, është Algeri Koleci, i cili tashmë rezulton i zhdukur ai që ka goditur 55-vjecaren (nusne e xhaxhait) me sëpatë dhe e ka hedhur në kanal.
