Ditën e djeshme qëndroi në stol, në ndeshjen e Chelseat U23, por sot ishte titullar me grupmoshën e tij, U18-ën dhe Armando Broja bëri sërish atë që di të bëjë më mirë, të dërgojë topin në rrjetë.
Sulmuesi i Kombëtares Shpresa shënoi golin e vetëm të Chelseat në barazimin 1-1 në transfertën ndaj Brightonit, ndërsa ky ishte goli i gjashtë i sulmuesit nga Malësia e Madhe, në vetëm 5 javë të kampionatit për moshat deri në 18 vjeç.
Armando Broja është shndërruar në një titullar edhe te Shqipëria U21, ku ka shënuar disa gola, ndërsa shpreson që së shpejti të tërheqë vëmendjen e trajnerit të Chelseat, Franck Lampard, për të debutuar me blutë në Premier League.
