Terrene masive pyjore në Bulqizë dhe Dibër janë përfshirë nga dy vatra të mëdha zjarri prej tre ditësh.
Mësohet se një nga vatrat e zjarrit ka rënë në fshatin Vlashaj të Njësisë Administrative Lurë, në bashkinë Dibër, ndërsa vatra tjetër është në Njësinë Administrative Shupenzë, ku flakët kanë përfshirë pyjet në fshatin Mazhicë.
Paraprakisht dyshohet se sipërfaqja e djegur shkon deri në 10 hektarë. Sakaq, flakët po u afrohen banesave.
Shuarja e zjarrit e pamundur për shkak të terrenit të vështirë dhe kërkohet ndihmë për ndërhyrje nga ajri.
