Presidenti Ilir Meta mbrëmjen e sotme në Syri Tv në emisionin ‘Çim Peka Live’ ka drejtuar akuzat në drejtim të Kreut të PD-së, Lulzim Basha, dhe Kryeministrit Edi Rama, lidhur me situatën politike në vend dhe krizën e muajve të fundit.
Meta tha se opozita ka shkëlqyer duke bërë veprime të paduhura, madje ka bërë veprime shpeshherë jashtë realitetit.
“Opozita ka pasur mungesë qartësia edhe në rastin e reformës në drejtësi, nuk ka pasur asnjë gjë të dokumentuar lidhur me takimet që janë zhvilluar me ambasadorët dhe kjo ka bërë që diplomatët në koordinim me Edi Ramën të thonin se opozita është e paqartë.
Në anën tjetër Edi Rama i kapi të gjitha, dhe kjo çoi në antagonizëm.
I kam thënë opozitës që duhet të ketë një platformë të qartë lidhur me reformën në drejtësi, pasi kthim pas prapa të saj nuk do të ketë.
Opozita duhej të parandalonte kapjen e drejtësisë nga Rama, duhej të dilte me propozime konkrete, dhe jo thjesht të denonconte”, tha Meta.
