Rrjeti social Facebook ka pezulluar për 24 orë faqen e kryeministrit izraelit Benjamin Netanyahu Vendimi erdhi për shkak të shkeljes të politikës së kompanisë që lidhet me përdorimin e gjuhës së urrejtjes.
Nëpërmjet llogarisë së kryeministrit izraelit u bëhej thirrje votuesve të parandalonin krijimin e një qeverie të përbërë “nga arabë që duan të na shkatërrojnë të gjithëve, gra, fëmijë dhe burra”.
Netanyahu e mohoi se ishte ai autor i postimit gjatë një interviste, teksa tha se bëhej fjalë për një gabim nga një përfaqësues i stafit të tij dhe se postimi ishte hequr.
Kryeministri izraelit në pritje të zgjedhjeve që mbahen javën e ardhshme po ushqen votuesit nacionalistë me gjuhë të fortë e të ashpër.
