Vijojnë shkarkimet në Kadastrën e Vlorës. Pas largimit të drejtorit dhe nëndrejtorit, Florjan Alimadhi dhe Klodian Troci, mësohet se ditën e sotme janë shkarkuar edhe 4 punonjës të zyrës juridike, si dhe u është dhënë vërejtje 19 punonjësve të tjerë.
Gjithë kjo situatë në Kadastrën e Vlorës ka ardhur pas ankesave të qytetarëve lidhur me regjistrimin e një prone.
Ndërkohë, Policia e Vlorës ka nisur një hetim për një dosje e cila nuk është marrë në shqyrtim nga Kadastra e Vlorës.
Bëhet fjalë për një pronë në Jalë, e cila pretendohet nga dy qytetarë.
