Kuvendi rrëzoi sot dekretin e Presidentit Ilir Meta lidhur me kandidaturën e Petraq Milos si kryetar i KLSH-së.
Pas votimit në seancë plenare, ka ardhur edhe reagimi nga Presidenca.
Tedi Blushi, zëdhësnës i Presidentit, shkruan në rrjet se “Tao Tao ka të drejtë që kandidaturat e propozuara nga Presidenti Meta për Kryetar të Kontrollit të Lartë të Shtetit janë të papërshtatshme, pasi asnjë prej tyre nuk ka qenë i dënuar më parë jashtë vendit për trafik droge, trafik prostitucioni apo vjedhje banesash”.
“Po kështu asnjë prej tyre nuk e ka marrë diplomën e shkollës së lartë, pa bërë fare të mesmen.
Presidenti Meta është i paaftë të propozojë kandidatë me rekorde kaq pozitive që do garantonin hapjen e negociatave në 18 tetor 2019 me ovacione nga të gjitha vendet anëtare”, shkruan Blushi.
