Nga votimi i kësaj të enjte të Kuvend, kanë dalë emrat e Komisionerit për të Drejtën e Informimit dhe Mbrojtjen e të Dhënave Personale si dhe kryetarit të Bordit të Autoritetit të Mbikëqyrjes Financiare.
Me shumicë votash u miratua projektvendimi për zgjedhjen e Besnik Dervishit Komisioner për të Drejtën e Informimit dhe Mbrojtjen e të Dhënave Personale. Dervishi konfirmohet kështu në këtë post, të cilin e mban që prej vitit 2014.
Ndërsa në votimin për kreun e bordit të AMF-së, fitues doli Ervin Mete. Mete mori 75 vota pro, 24 kundër dhe 2 abstenim. Pajtim Melani, kryetari në detyrë i AMF, mori 2 vota pro dhe 22 kundër, ndërsa Osli Çoku 2 vota pro dhe 22 kundër.
Kuvendi rrëzoi edhe dekretet e Presidentit Ilir Meta, si dhe miratoi projektligjet dhe projektvendimet e tjera në rendin e ditës.
