Kryetarja e Komisionit Evropian, Ursula von der Leyen ka prezantuar kabinetin e ri.
“Sot jam e lumtur të paraqesë Komisionin tim të balancuar, të zhdërvjellët dhe modern, i cili drejtohet me vendosmëri, i përqendruar qartë në çështjet që kemi në duar dhe jep përgjigje”, shkruan Von Der Leyen.
Si Komisioner për Zgjerimin, Ursula von der Leyen, ka zgjedhur hungarezin László Trócsányi.
Ai është anëtar i Parlamentit Evropian dhe më parë ka shërbyer si Ambasador i Hungarisë në Francë dhe ministër i Drejtësisë për pesë vite.
László Trócsányi ka lindur më 6 mars 1956 në Budapest. Ai është një avokat, ish gjyqtar, diplomat dhe profesor universiteti. Ai është specializuar në të drejtën kushtetuese, të drejtën evropiane dhe të drejtën krahasuese.
Ai ka qenë Ambasadori i Hungarisë në Belgjikë, Luksemburg dhe Francë. Ai ishte gjithashtu anëtar i Komisionit të Venecias të Këshillit të Evropës (2005-2013) dhe anëtar i Gjykatës Kushtetuese Hungareze.
Më 6 qershor 2014, ai u emërua Ministër i Drejtësisë në Hungari. Ai ishte kandidati kryesor i listës së partive Fidesz gjatë zgjedhjeve të Parlamentit Evropian për vitin 2019, kur u zgjodh anëtar i Parlamentit Evropian.
Ndërkohë, Johanes Hahn, i cili mbante këtë detyrë, do të vijojë të qëndrojë në ‘Qeverinë’ e BE-së pasi i është caktuar posti i Komisionerit për Buxhetin.
Sa i përket funksioneve të tjera, veçohet emërimi i Paolo Gentilonit në krye të Komisionit për Ekonominë dhe Phil Hogan që do të drejtojë Komisionin e Tregtisë.
