Luigi Soreca, ambasadori i BE-së në Shqipëri, përmes një postimi në rrjet kujton kohën kur mori detyrën e diplomatit, më 10 shtator 2018, ndërsa shkruan se ka plot energji për të ecur përpara.
Pavarësisht se ka qenë një vit i mbushur me përplasje politike dhe prej disa muajsh vendi ndodhet në një nga krizat më të thella, duket se kjo situatë nuk e ka mërzitur.
“Më 10 shtator 2018 mbërrita në Shqipëri si Ambasador i ri i BE-së. Një vit i mbushur me punë të palodhur dhe angazhim për të ndihmuar Shqipërinë të afrohet me BE-në.
Takime të shkëlqyera dhe argëtim me njerëzit zemër-ngrohtë të këtij vendi të mahnitshëm! Shumë punë para nesh. Plot me energji për të ecur përpara!”, shkruan Soreca.
