Një super-operacion kundër mafies shqiptare ka nisur mbrëmjen e djeshme në Gjermani. Operacioni, sipas mediave gjermane, është shtrirë në rajonin e Oberhauzenit.
Forca speciale, kryesisht komando, të armatosur rëndë, kanë kontrolluar objekte që dyshohet se shërbejnë si baza apo përdoren nga mafia shqiptare e drogës.
BILD shkruan se në orën 06:00, forcat speciale të pajisur edhe me tokmakë dhe sharra elektrike, kanë hapur dyert me shpejtësi.
“Të dyshuarit nuk kishin asnjë shans për të reaguar”, shkruan gazeta. Qëllimi i oplicisë ishte që të siguronte prova të bollshme.
Deri më tani thuhet se janë tetë të arrestuar. Policia thotë se ka siguruar të paktën tre kg drogë.
“Se si ranë hetuesit në gjurmët e mafias shqiptare, kjo nuk sqarohet. Por gjithçka mund të ketë lidhje me dy therje me thikë në këtë rajon gjatë javëve të fundit. Mendohet se ato erdhën si shkak i përplasjes mes shpërndarësve të drogës”, njofton gazeta BILD.
