Procedohen penalisht 5 punonjës të Inspektorati Shtetëror të Mjedisit, Pyjeve, Ujërave dhe Turizmit në Bashkisë Shkodër dhe Malësi e Madhe. Mes tyre është edhe Drejtor i Pyjores në Bashkinë e Malësisë së Madhe. Personat e proceduar, bashkë me tre të tjerë për të cilët nisi hetimi më herët gjatë këtij muaji, janë nën akuzë për rreth 30 m³lëndë drusore e prerë në mënyrë të paligjshme.
Aksioni
“Në nisje të operacionit më 3 shtator janë bllokuar rreth 30 m³ lëndë drusore e prerë në mënyrë të paligjshme dhe u procedua penalisht inspektori i pyjeve të zonës. Sektori për Hetimin e Krimit Ekonomik e Financiar në bashkëpunim me shërbimet e Komisariatit të Policisë së Shkodrës, në zbatim të planit të posaçëm në shkallë vendi, kundër informalitetit dhe krimeve mjedisore, ka vijuar operacioni ‘Maranaj’. Si rezultat i hetimeve të metejshme ka rezultuar se janë të implikuar dhe punonjësit e Bashkive Shkodër dhe Malësi e Madhe si dhe ata të Inspektoriatit të Pyjeve, duke shpërdoruar detyrën, me veprimet apo mosveprimet e tyre.
Në këto kushte janë proceduar penalisht shtetasit e meposhtëm:
Gj. Gj., 57 vjeç, banues në fshatin Pjetroshan, Malësi e Madhe, Drejtor i Pyjores, Bashkia Malësi e Madhe.
N. D., 48 vjeç, banues në fshatin Delaj, Malësi e Madhe, Inspektor i ISHMPUT Malësi e Madhe.
P. Gj., 61 vjeç, banues në Stërbeq – Malësi e Madhe, teknik i pyjores Malësi e Madhe.
R. H., 49 vjeç, banues në fshatin Golem, Shkodër, Teknik Pyjesh, Bashkia Shkodër.
A. L., 47 vjeç, banues në Shkodër, me detyrë Drejtor i Shërbimit Pyjor, Bashkia Shkodër”, njoftoi zyrtarisht policia e Shkodrës, që shton se operacioni vijon.
Nga fillimi i muajit, me procedimet e sotme, shkon në 9 numri i shtetasve të proceduar për krime mjedisore dhe shpërdorim detyre nga policia e Shkodrës.
Ju ftojmë të bëheni pjesë e grupit Boldnews në Facebook: https://www.facebook.com/groups/484774309028682/
