Prokuroria e Tiranës përmes një njoftimi për mediat jep informacion të detajuar lidhur me veprimet e deritanishme të kryera për hetimin ndaj kryebashkiakut të dorëhequr Valdrin Pjetri, dhe kryebashkiakut të Vorës që vazhdon të jetë ende në detyrë, Agim Kajmaku.
Në shtatë thotë prokuroria janë kryer veprimet, janë dërguart shkresa të gjitha institucioneve që mund të ndihmojnë me materiale për zbardhjen e çështjeve. Për të dyja rastet pritet përgjigje nga ana e autoriteteve Italiane në rastin e Pjetrit dhe ato Greke në rastin e Kajmakut.
“I është kërkuar shtetasit Agim Kajmaku të depozitojë gjurmët e tij daktiloskopike pranë Institutit të Policisë Shkencore dhe këtij të fundit të përcjellë gjurmët daktiloskopike pranë Prokurorisë së Përgjithshme dhe ende nuk është administruar një përgjigje në lidhje me këtë kërkesë. Sipas verifikimeve në sekretarinë e Prokurorisë së Përgjithshme rezulton se shërbimi postar (Drejtoria e Përgjithshme e Postave) ka ngatërruar adresën e subjektit Agim Kajmaku dhe ende nuk e ka dorëzuar shkresën”.
Ne po publikojmë të dyja dokumentet e prokurorisë me materialin e zgjeruar. Kajmaku dhe Pjetri u akuzuan nga PD se gjatë qëndrimit në Itali e Greqi kanë kryer vepra penale për të cilat edhe janë dënuar. Pjetri është dënuar nga drejtësia Italiane, ndërsa Kajmaku, është proceduar penalisht me emër tjetër në Greqi dhe më pas është larguar.
