Dosja penale me emrin e 35 vjeçarit Arjan Shahaj që vrau babanë disa ditë më parë do të jetë nën juridiksionin e Krimeve të Rënda. Burime nga Prokuroria e Gjirokastrës, bëjnë me dije se kemi të bëjmë me krim në familje, vepër e cila hetohet dhe gjykohet nga Krimet e Rënda.
Një ditë më parë u zbardh edhe dëshmia e autorit të vrasjes së babait. Ai ka pranuar se vrau babanë pas një zënke banale për bagëtinë. Ndërkohë që mësohet se Shahaj ka qenë edhe më parë i dënuar për veprën penale të vrasjes.
