Sezoni ri i “Dance With Me” do të vijë shumë shpejt në ekranin e “Tv Klan”, por siç duket këtë vit do të vijë me ndryshime të rëndësishme.
Përveç dyshes Alketa Vejsiu dhe Vera Grabocka që sigurisht nuk ndryshon, këtë edicion një prej anëtarëve të përhershëm të jurisë që në sezonin e parë të programit, ndezësi i gjithë debateve dhe “konflikteve” brenda emisionit, Robert Aliaj është larguar.
Por sigurisht që juria e programit nuk mund të qëndrojë me dy anëtarë, që nëse nuk ka surpriza të tjera do të jenë të njejtët si vjet, prandaj produksioni ka zgjedhur një zëvendësues për Robertin. Burime për Blitz.al thonë se ai është Gentian Zenelaj, i cili është tashmë pjesë e Klan, së bashku me Saimir Kodrën në emision “Stop”.
Logjika na thotë se Genti do të luaj rolin e “kritikuesit” në programin e kërcimit, sepse fundja po zëvendëson Robertin, megjithatë me shumë gjasë do të zgjedhë një stil tjetër për ta bërë këtë, duke pasur në mëndje dhe karakterin e mënyrën e të bërit humor të aktorit. Kjo nuk është hera e parë që juria e një emisioni në Klan i besohet një prej moderatorëve të televizionit, duke qenë se Arian Çani në të kaluarën ka qenë në trupën gjykuese të “Your face sounds familiar”.
Ndërkohë, përpara nisjes së këtij edicioni të “Dance With Me” ka pasur dhe një ndryshim tjetër nga cast-i tashmë thuajse i zbuluar, me Çiljetën që është larguar përpara kohe, për tu zëvendësuar me një tjetër këngëtare. /Blitz.al/
