Propaganda anti-President nuk ndihmon sundimin e ligjit që është kusht për çeljen e negociatave në 18 tetor nga Bashkimi Europian për vendin tonë.
Deklarata është bërë nga Presidenti Ilir Meta, në një kohë që Komisioni Hetimor parlamentar për shkarkimin e tij ka miratuar planin e hetimit, duke caktuar datën 6 shtator si ditën kur Presidenti duhet të paraqitet për të dhënë dëshminë e tij.
“Spostimi i vëmendjes për momentin nga detyrimi për respektimin e dekretit në fuqi të 13 tetorit për zgjedhje gjithëpërfshirëse vendore nuk ndihmon për zgjidhjen e krizës, por ndihmon përshkallëzimin e saj.
Kriteret e Kopenhagenit nuk janë shfuqizuar ende nga BE, ndaj respektimi i tyre është i pashmangshëm nëse ka mbetur sadopak vullnet politik për çeljen e negociatave ne 18 tetor. Zgjedhjet janë e vetmja zgjidhje”, thuhet në reagimin e Presidentit.
