Një shtetas shqiptar është vënë në pranga nga policia italiane pasi iu gjetën në shtëpi 2 kg kokainë.
I arrestuari është shtetasi me iniciale D.A., i cili u ndalua për kontroll në rrugën Via Pisanelli teksa ishte duke udhëtuar drejt Via Beccaria.
Kur hapi kroskotin e makinës për të nxjerrë letërnjoftimin, ai u tregua i pakujdeshëm. Brenda kroskotit ai mori çantën dhe pakuptuar i dolën dy paketime të vogla në formë “guralecësh”. Kjo rriti dyshimet tek oficerët e policisë.
Pas këtij momenti oficerët vijuan kontrollin në shtëpinë e shqiptarit, ku gjetën dhe sekuestruan 2 kilogramë kokainë, me nga një kilogramë secila.
Shqiptari u dërgua në burg dhe është në pritje të dënimit.
