Napoli habit sërish, pasi ka refuzuar ofertën e radhës për Elseid Hysajn! Valencia ka ofruar 17 milionë euro për shqiptarin që është refuzuar nga drejtuesit e klubit.
Përgjigjja negative nuk ka qenë për shkak të ofertës ekonomike, por për arsye teknike. “Il Mattino” shkruan se trajneri Carlo Ancelotti nuk do të privohet nga shërbimet e mbrojtësit, pasi nuk do që të ketë më pak se 4 mbrojtës anësorë në ekip. Hysaj ka luajtur djathtas, por dhe majtas me ekipin e Napolit.
Menaxheri i tij, Mario Giuffredi, ka folur në lidhje me bllokimin nga Napoli, por nga krahu tjetër thekson se nuk do të flitet për rinovim. “Do të jetë e vështirë të ulemi për të diskutuar për rinovim, të paktën për një kohë të shkurtër. Merkatoja e janarit do të hapet dhe mund të ketë ndryshime të tjera”.
