Ambasada Amerikane ka publikuar një tjetër video për Reformën në Drejtësi, ku thotë se procesi i vetting-ut ka dhënë rezultatet e para, pasi janë shkarkuar më shumë se 50 gjyqtarë dhe prokurorë.
Sipas Ambasadës Amerikane ka nisur puna për ngritjen e SPAK, i cili do të hetojë zyrtarët e korruptuar dhe krimin e organizuar.
Postimi i Ambasadës Amerikane:
Reforma në drejtësi dhe procesi i vetting-ut në veçanti ka dhënë rezultatet e para. Më shumë se 50 gjyqtarë dhe prokurorë janë shkarkuar për shkak se nuk justifikuan pasurinë dhe kontakteve të papërshtashme me botën e krimit. Paralelisht me pastrimin e sistemit janë ngritur institucionet e reja, Këshilli i Lartë i Prokurorisë dhe Këshilli i Lartë Gjyqësor. Këto institucione kanë nisur nga puna për ngritjen e SPAK dhe shumë shpejt ky institucion do të hetojë zyrtarët e korruptuar dhe krimin e organizuar.
https://www.youtube.com/watch?v=1BrZM7_xjeQ
