Ish-deputetja e PD-së, Albana Vokshi ka rrëzuar propagandën e kryebashkiakut Veliaj pasi ka publikuar një foto të ardhur nga qytetarët si denoncim ku uji i pijshëm vjen shumë i ndotur në rubinetat e banesave të qytetarëve.
Ajo shprehet se kjo nuk është më thjesht në kufijtë e papërgjegjshmërisë por është #KRIMINALE dhe kriminelët duhet të dënohen.
Postimi i plotë:
Propaganda e Erion Veliajt përballë realitetit me ujin e (pa)pijshëm
Bashkia e Tiranës thotë ka ujë. Qytetarët thonë nuk ka. Edhe ato pak minuta kur vjen, uji ështe shumë i ndotur, burim infeksionesh e sëmundjesh.
Në foto, e dërguar nga një banor i pallateve te Astiri, uji duket si unë moçali, por në të vërtetë ka dalë nga rubinetat e ujësjellësot të Erion Veliajt dhe paguhet si “ujë i pijshëm”.
Banorët e Astirit kanë njoftuar edhe Ministrinë e Shëndetësisë që në dt 27 gusht, por askush nuk e ka vënë ujin në zjarr. Ministrja dhe institucionet shtetërore nuk reagojnë ndaj denoncimeve që u shkojnë nga qytetarët, si denoncimi në këtë foto. Binomi hajdut qeveri-bashki, ose hesht, ose gënjen.
Kur uji moçalor që vjen në rubinetat e banorëve të Tiranës, është rrezik serioz për shëndetin, kjo nuk është më thjesht në kufijtë e papërgjegjshmërisë. Kjo është #KRIMINALE dhe kriminelët duhet të dënohen.
