Të tjera detaje janë zbuluar lidhur me atentatin e ndodhur mbrëmjen e së premtes në Vlorë, ku mbeti i plagosur Elius Thartori, mësues fiskulture.
Burime nga grupi hetimor thanë për “Panorama” se dyshohet që dy autoret e atentatit të jenë me pagesë.
Autoret, sic thanë burimet, kanë qëlluar nga një distancë prej 70 metra dhe ka qenë vetëm një plumb që e ka qëlluar Elius Thartorin, i cili ndodhet ne spitalin e Traumës në Tiranë.
Mësohet se autoret kanë qëlluar nga brenda një makine, ndaj hetuesit nuk kanë gjetur asnjë gëzhojë në vendngjarje.
Mjeti që kanë përdorur atentatorët dyshohet se ka qenë me targa false.
Në momentin e ngjarjes, i plagosuri ka qenë në ballkon bashkë me gruan dhe fëmijën.
Një plumb i ka prekur mushkrinë, por sipas grupit hetimor plumbi nuk ka qenë fatal pasi në ballkon ka patur mbrojtëse xhami, çka bëri që copa xhami ti prekin trupin, shkruan Panorama.
Policia është duke hetuar në disa pista, pasi Thartori ka qenë i dënuar me 10 vite burg teksa në moshën 17 vjeçare ka vrarë në Durrës, njerkun e tij.
