Këshilli i Lartë i Prokurorisë ka miratuar ditën e sotme me 10 vota, buxhetin për tri vitet e ardhshme, 2020-2022.
Gjatë mbledhjes nuk u zhvillua debate lidhur me buxhetin, ndërkohë që duket se shifrat nuk janë të vogla.
Për vitin 2020 shifra e miratuar për paga e sigurime shoqërore arrinnë 120 milion lekë të reja, pra 1 miliard e 200 milion lekë.
Shpenzime operative, 30 milion leke të reja dhe shpenzime për investime 80 milion e 724 mijë lekë të reja.
Në total buxheti për vitin 2020 për Këshillin e lartë të prokurorisë kap shifrën e 230 milion e 724 mijë lekë të reja.
Një shifër aspak e vogël për një institucion të sapokrijuar dhe me staf jo të madh. Vetëm për pagat e anëtarëve të KLP dhe administratës së saj, do të shpenzohet një shumë prej me shumë se 1 miliard lekësh.
Për vitin 2021 shumë totale e buxhetit për të tre zërat kapin shifrën e 165 milion lekësh të reja dhe në vitin e tretë 160 milion lekë të reja.
Duket që shpenzimet më të mëdha për investime dhe shërbime operative janë për vitin 2020.