Në ora 02:30 të mëngjesit Uragani Dorian goditi qytetin e Bahamas. Shi i fortë dhe erëra me 180 milje në orë.
Banorët morën masa për të siguruar banesat e tyre dhe kërkuan strehim ndërsa goditi uragani.
Kevin Tomlinson, një banor në Freeport, Grand Bahama, i tha CNN menjëherë pas mesnatës se energjia ishte prerë në strehëzën ku po qëndron me rreth 40 banorë të tjerë që jetojnë pranë bregdetit. Kishte madje disa turistë që u kapën nga stuhia – ai tha që një çift po vizitonte nga agoikago.
Tomlinson tha që ai dhe vendasit e tjerë po përgatiten për disa javë të vështira përpara.
Për të shmangur katastrofën që mund të shkaktojë stuhia e fuqishme, është bërë evakuimi I banorëve, turistëve u është kërkuar të largohen, si dhe janë mbyllur disa prej aeroporteve.
Sipas qendrës për uragane në SHBA, stuhia e cila i është afruar me disa kilometra ishujve Bahamas, arrin një shpejtësi prej 260 km në orë.
Pas Bahamasit, uragani Dorian pritët të godasë edhe Floridën këtë fillim jave.
Guvernatori Ron DeSantis deklaron se ka shpallur gjendjen e emergjencës, ndërsa janë vënë në lëvizje 2,500 trupa të gardës kombëtare, ndërsa 1.500 të tjerë janë në gatishmëri.
Ekspertët kanë paralajmëruar se Dorian mund të jetë stuhia më e madhe në rajon, pas uraganit Andrew, që në vitin 1992 shkaktoi 65 viktima, si dhe shkatërroi më shumë se 63 mijë banesa.
