Mediat kanë publikuar disa pamje të reja nga bastisja në vitin 2005 të shtëpisë së miliarderit Jeffrey Epstein në Palm Beach.
Siç duket edhe nga video, muret e dhomave të rezidencës janë të mbuluara me dhjetëra fotografi, të cilat ofrojnë një vështrim të detajuar mbi shijet pedofile të miliarderit, konkretisht fiksimin e tij për vajzat e reja.
Disa nga fotot shfaqin të dashurën e atëhershme të Epsteinit, Ghislaine e shtrirë lakuriq në plazh. Po ashtu janë edhe fotot e një vajze të vogël, rreth 6 vjeçe.
Policia gjithashtu ka gjetur edhe foto ku Epstein shtrëngon duart me liderët botërorë, përfshirë Fidel Castro dhe Papën Gjon Pali II.
Pas akuzave për abuzim seksual dhe futjes në burg, Epstein u gjet i vdekur në qelinë e tij, ndërkohë që versioni kryesor është se ai i dha fund jetës.