Kreu i Partisë Agrare Ambientaliste, Agron Duka, ka qenë mjaft i ashpër në reagimin e tij pas ngjarjes së rëndë të Fierit, ku mbetën të plagosur 5 persona.
Me anë të një postimi në Facebook, Duka shkruan e quan Shqipërinë një morg të madh. Ai kujton edhe deklaratën e kryeministrit Edi Rama, i cili i pyetur për një vrasje të ndodhur në qytetin e Durrësit, u shpreh prerazi: “Hëngshin kokat e tyre”.
Ja postimi i Dukës:
Shqipëria është kthyer në një morg të madh dhe, me sa duket, strategjia ‘hëngshin kokat e tyre’ nuk mjafton! Shteti nuk bëhet me fasada dhe propagandë, por duke i kthyer seriozitetin dhe dinjitetin institucioneve shtetërore. Dekriminalizimi vërtetoi se mazhoranca aktuale nuk ka forcën morale për të çuar përpara këtë sfidë, prandaj është koha që të largohen!