Kryetarja e Autoritetet të Dosjeve, Gentiana Sula, ka gjetur një mënyrë për ti kthyer përgjigje tërthorazi fyerjeve të deputetit socialist, Spartak Braho, gjatë një aktiviteti të mbajtur sot në Presidencë.
Në fjalimin e saj, në ceremoninë për nderimin e familjes së përndjekur Petrela, Sula ka nënvizuar në një moment: “Ka ikur koha kur qytetarët jetonin si plehra, tani është koha që qytetarët të trajtohen me dinjitet”.
Kjo është interetuar në media si përgjigje ndaj deputetit të PS, anëtar i Komisionit Parlamentar të Ligjeve.
Dje u publikua një komunikim në grup të këtij komisioni, ku Spartak Braho, thotë për Gentiana Sulën, se ajo është një plehër.
Kryetarja e Autoritetit të Dosjeve po informonte me anë të një shkrese anëtarët e këtij komisioni pikërisht për aktivitetin që po bëhet tani në Presidencë. Mesa duket, një foto të këtij dokumenti, një punonjës i Komisionit të Ligjeve e hedh në chatin e grupit, ku bëhet komunikimi.
Aty reagon Braho, i cili e cilëson Sulën, një plehër. I menjëhershëm ishte reagimi i deputetit Alimadhi, i cili protestoi për këtë fyerje ndaj kryetares së Autoritetit të Dosjeve. Më tej, Alimadhi, e denoncoi edhe publikisht në FB, këtë ngjarje.
“Kjo është plehrë”/ Braho fyen Genta Sulën, shpërthen deputeti: Komunist, gojë prishur, shpirtzi…
