Mediat në Iran kanë publikuar foto të politikanëve dhe ish-guvernatorit që në publik japin këshilla dhe mësojnë se si të ndjekin parime e rregulla, ndërsa kur nuk i shikon njeri, i shkelin ligjet me të dyja këmbët.
Ish-Guvernatori i Kohgiluyeh dhe Boyer-Ahmad, Ali Mohammad Ahmadi, është filmuar duke kryer marrëdhënie seksuale me një grua. Duke qenë i martuar, këto foto teksa kryen marrëdhënie me një grua jashtë martese, e diskreditojnë Ahmadin publikisht.
“France24”, raporton se kryebashkiakut i Sadra, Abbas Malekzadeh shihet në praninë e një gruaje nudo.
Sipas ligjit Iranian aktet seksuale jashtë martese dënohen edhe me vdekje.
Mediat e huaja raportojnë se publikimi i këtyre videove mund të jetë edhe pjesë e një shantazhi pasi Ahmadi ishte kontaktuar nga një agjenci inteligjence e cila i kishte kërkuar që të merrte pjesë në një emision televiziv në Kanada, ku do të flitej me tone kritike për qeverinë iraniane.
Ish-guvernatori kishte refuzuar pasi ka lidhje të ngushta me qeverinë e Presidentit Rouhani dhe pas menjëherë pas kësaj përgjigjeje videoja 4-minutëshe e filmuar me kamera të fshehtë u shpërnda nëpër rrjetet sociale.
Gruaja që shfaqet në video punon për një kompani ajrore iraniane.
