Ish-trajneri i Barcelonës dhe i kombëtares së Spanjës, Luis Enrike, ka njoftuar mbrëmjen e sotme vdekjen e vajzës së tij 9-vjeçare, Ksana.
“Vajza jonë ka ndërruar jetë këtë pasdite, në moshën 9-vjeçare, pas 5 muajsh luftë intensie kundër osteosarkomës. Duam të falenderojmë të gjithë mesazhet që kemi marrë këto muaj dhe i vlerësojmë. Duam të falenderojmë stafin e spitalit ‘San Joan de Deu and Sant Pau’, për dedikimin e tyre. Do na mungosh shumë, por ne do të kujtojmë çdo ditë të jetës sonë dhe shpresojmë që në të ardhmen të takohemi sërish. Do jesh ylli që drejton familjen tonë. Pusho e qetë Ksanita”, shkruan në rrjetet sociale trajneri spanjoll.
Trajneri u largua nga kombëtarja para disa muajsh, për probleme familjare, teksa vajza e tij po luftonte me sëmundjen e rëndë (osteosarkoma – tumor në kockë).
