Petrit Vasili, nënkryetar i LSI-së, ka reaguar lidhur krizën politike dhe ekonomike në vend, ndërsa akuzon kryeministrin Edi Rama se po u rrëmben lekët shqiptarëve dhe kënaq me to veten dhe oligarkët.
Sipas Vasilit, kjo është arsyeja që shqiptarët janë në mjerim, ndërsa Shqipëria e ka prekur fundin në ekonomi dhe një gjysëm hapi më tej është gremina dhe shkretimi i vendit.
Postimi nga Petrit Vasili
“Arti i qeverisjes konsiston në mbledhjen e aq parave nga një klasë sa të mund të kënaqë me to klasën tjetër”. Kështu thotë
Voltaire, një nga filozofët më të mëdhenj.
Kurse shkollëpaku që qeveris në Shqipëri, rrëmben lekët e shqiptarëve dhe kënaq me to veten dhe oligarkët.
Prandaj shqiptarët janë në mjerim dhe të zemëruar, sepse paratë e tyre rrëmbehen dhe mijëra të varfër shtohen çdo vit.
Kur shkollëpakësia dhe babëzia bëhen bashkë prodhohet vetëm shkatërrim ekonomik dhe hajdutëri pa kufi.
Shqipëria e ka prekur fundin në ekonomi dhe një gjysëm hapi më tej është gremina dhe shkretimi i vendit.
Kriza duhet ndalur sot, nesër kriza do të jetë pa kthim.
