Partia Demokratike është dukur shumë e shqetësuar sot në Kuvend.
Lulzim Basha i ka kërcënuar disa herë publikisht deputetët se në rast se shesin votën duke votuar reformën në drejtësi më 21 korrik, do të përjashtohen nga PD.
Megjithatë kjo nuk e ka ndaluar Majlinda Bregun që të dalë për një kafe me ambasadorin amerikan Donald Lu.
Pikërisht te Bregu sot, Basha e Berisha duket se kishin dërguar Florion Mimën, për të siguruar që kryetarja e komisionit të Integrimit të mbetet e integruar brenda PD-së.
Gjithashtu të shqetësuar dukeshin edhe Genc Ruli e Jozefina Topalli.
Ata e ndiejnë se reformimi i Bashës në PD mund t’i lërë jashtë radhëve të partisë, ndaj ata po pëshpërisnin lidhur me qëndriminq ë duhet të mbajnë me votë më 21 korrik me sa duket, në formë trysnie ndaj Bashës.
Por ndërkohë që PD ka hallet e veta, nuk duket më e qetë mazhoranca qeverisëse.
Patrit Vasili tha sot se Shqipëria është republikë parlamentare, duke e rrershtuar kështu LSI me qëndrimin e PD-së, sa i takon reformës në drejtësi, që sipas këtyre dy partive nuk duhet të jetë nën hyqmën e ndërkommbëtarëve.
Ky reagim i LSI mori një përgjigje të prerë nga Fatmir Xhafa.
“E dëgjova (Berishen) që foli për grupin e ekspertëve, kam dëgjuar edhe të tjerë që thonë që kjo është republikë parlamentare s’është republikë ekspertësh. Është e vërtetë që është republikë parlametnare por mjerë ai parlament që e ndërton Kushtetutën, ligjin, mbi banalitetet, batutat, mbi paligjshmërinë e politikanëve. Republika parlamentare të forta janë ato që këshillohen nga ekspertët, vlerësojnë para së gjithash ekspertët, dhe burrat e shtetit ndahen nga cfarë janë të aftë të kenë në krahë dhe nga cilët këshillohen. Sa i takon ekspertëve, jam i nderuar që kam punuar me ta”, tha Xhafa duke e futur në një krizë zyrtare marrëdhënien btrenda radhëve të shumicës.
