Një fëmijë ka humbur jetën në një aksident të ndodhur në Fier mëngjesin e sotëm. Policia bëri me dije se një makinë ka përplasur një grua dhe djalin e saj, të cilët ishin duke lëvizur në rrugë.
Fëmija 14 vjeç ndërroi jetë, ndërsa e ëma u plagos.
“Sot rreth orës 09:20, në vendin e quajtur ‘Fermë-Çlirim’, shtetasi R.S, 20 vjeç, banues në Dërmënas, duke drejtuar automjetin tip ‘Volkswagen’ ka aksidentuar shtetasen M.B, 36 vjeçe, e cila ndodhet në Spitalin Rajonal Fier nën kujdesin e mjekëve si dhe djalin e saj 14 vjeçar i cili ndërroi jetë. Drejtuesi i mjetit R.S pas përplasjes është larguar nga vendngjarja por u kap nga shërbimet e policisë. Grupi hetimor po punon për zbardhjen e ngjarjes e plotë të ngjarjes”, njoftoi policia.
