Kanë dalë detaje të reja rreth ekzekutimit mbrëmjen e sotme në Tiranë, në rrugën ‘Xhanfize Keko’ në Kinostudio.
Viktimë e këtij atentati ka mbetur 29-vjeçari Santiago Malko, i cili më herë ka qenë ish-punonjës policie. Malko ka qenë duke udhëtuar me makinën e tij ‘BMW X5’, në momentin që është qëlluar me breshëri ,automatiku nga persona ende të paidentifikuar nga xhami i një makine me ngjyrë të kuqe, e cila ëhstë larguar drejt Freskut pas atentatit.
Ndërkohë që ish-punonjësi i policisë Malko ka mbetur i plagosur 3 vite me parë pas një zënke me dy vëllezërit Edmond e Gentian Lashi.
Të dyja palët, edhe vëllezërit, edhe ish-polici, kanë patur gjatë asaj kohe në pronësi lokale bastesh sportive në të njëjtën zonë, por sipas Policisë konflikti ka ndodhur në lokalin e Edmond Lashit.
Ngjarja e 2016-s:
Ish-polici Santiago Malko që ka shkuar në pikën e basteve të vëllezërve Lashi dhe është konfrontuar fizikisht me ta. Nga përleshja fizike, 23-vjeçari është plagosur lehtë, pasi është goditur me grusht në hundë.
Fillimisht në media u raportua se ish-polici u qëllua nga dy vëllezërit me pistoletë, çka çoi pas hekurave dy vëllezërit Lashi.
Por pas hetimeve doli krejt ndryshe, pasi kishte qenë ish-polici ai që ka tentuar të përdorë armën, madje duke goditur njërin prej vëllezërve me qytën e saj. Më pas dy vëllezërit kanë ndërhyrë dhe ia kanë marrë armën, duke parandaluar përshkallëzimin e dhunës. Pasi zbardhi nfgjarjen policia liroi dy vëllezërit dhe prangosi ish-policin.
