Agim Kajmaku, kryebashkiaku i Vorës, ka reaguar përmes një postimi në rrjet lidhur me akuzat ndaj tij, të hedhura nga opozita, se ka qenë i arrestuar dhe ka një çështje të hapur me drejtësinë greke për fallsifikim kartmonedhash.
PD ka publikuar disa dokumente, sipas të cilave Jorgo Toto (Agim Kajmaku) ishte arrestuar në Greqi, bashkë me dy shqiptarë të tjerë.
Por Kajmaku në reagimin e tij ka publikuar fletë nga pasaporta e tij, me vulat e hyrjes në Greqi.
Çështja është se emri Agim Kajmaku nuk rezulton fare me probleme në vendin fqinj, ndaj pyetja që lind është po Jorgo Toto mund të hyjë në Greqi?
Postimi nga Kajmaku
Tellalli i PD u mor me mua prape sot, po ska problem se e verteta vonon po nuk harron. Une paskam urdher arresti ne Greqi dhe hykam e dilkam sa here dua!
Ja ku e kam qe kam hyre e kam dale nga Greqia para se te dilte emri kandidat. E verteta ime do vertetohet sic e kam then, po jo nga limoni i shtrydhur i PD po nga autoritetet. Une sjam arrestuar dhe sjam denuar ne Greqi po kam bere pune me emer tjeter si gjithe shqiptaret.
Po te isha ne kerkim sdo hyja dhe dilja sipas qefit! Prandaj le te hyje Luli dhe le te dali Gaz Bardhi sa te doje duke i ra fyllit me nje vrime, se rendesi ka e verteta. E verteta eshte me mua dhe une jam me te verteten!
Shume shpejt do gjejne nje babale tjeter se babale mua s’me bejne dot.
