Kryeministri Edi Rama ka mbërritur në Lezhë ku do të zhvillojë një takim me krerët e Partisë Socialiste për veriun. Në fokus të takimit, bëjnë me dije burime nga PS është zëvendësimi i kryebashkiakut të dorëhequr të Shkodrës, Valdrin Pjetri. Pjetri u emërua disa javë më parë, si drejtues i PS për qarkun e Shkodrës.
Sandër Lleshaj si drejtues i Partisë Socialiste në Lezhë dhe Safet Gjici, si drejtues i kampit rozë në Kukës. Ndërkohë kujtojmë se Valdrin Pjetri u emërua në asamblenë e 23 korrikut, si drejtues i PS për qarkun e Shkodrës, duke zëvendësuar në këtë post Bushatin por dha dorëheqjen prej tij pas denocimit se ai kishte fshehur një dënim për trafik droge në vitin 2003 në Itali.
I zgjedhuri i 30 qershorit tha se nuk mund të merrte detyrën pa sqaruar të shkuarën e tij. Ndërkohë që sot, PD shton akuzat për Pjerin Ndreun dhe Agim Kajmakun, ende s’ka një emër të artikuluar publikisht se kush do të jetë zëvendësuesi i Pjetrit
