NASA ka publikuar imazhet satelitore nga djegia e pyjeve të shiut në Amazonë.
Pamjet janë realizuar mes 15-22 gushtit, ndërsa shihen qartë zonat nën pushtetin e flakëve në Amerikën e Jugut.
Qindra vatra të reja zjarresh janë zbuluar në pyjet e shiut, ndërsa mijëra trupa ushtarake u vendosën për të luftuar flakët tmerruese, disa prej të cilave kanë më shumë se tre javë që vazhdojnë të shkrumbojnë pemët.
Në imazhet e publikuara nga NASA, në zonat me ngjyrë të verdhë, tregohet niveli i monoksidit të karbonit.
Harta tregon qartë se me kalimin e ditëve, nivelet e monoksidit të karbonit rriten, veçanërisht në veri-perëndim të Brazilit, përpara se të zhyten në jug-lindje të pyjeve të shiut.
‘Monoksidi i karbonit është një ndotës që mund të transportohet në distanca të mëdha dhe të vazhdojë në atmosferë për rreth një muaj”, tha NASA.
