Rikthim me fitoren në elitën e futbollit shqiptar! Vllaznia ka mposhtur Laçin me rezultatin 1-0 në sfidën e vlefshme për javën e parë të Kategorisë Superiore.
Supergoli i brazilianit Hygor në fundin e pjesës së parë i dhuroi triumfin skuadrës së Mirsad Jonuz, që u tregua më kërkuese në këtë sfidë.
Nuk munguan rastet e shënimit as për Laçin e Starovës, që u hodh në sulm në minutat e fundit të ndeshjes, po pa rezultat. Duhet theksuar pjesëmarrja e konsiderueshme e tifozëve shkodran, të cilët mbështetën skuadrën e tyre, në këtë sfidë.
VLLAZNIA-LAÇI 1-0
Hygor 45′
KOMENTI LIVE:
Mbyllet takimi.
90′ Akordohen 5 minuta shtesë.
89′ Ndërhyrje e gabuar e Redon Xhixhës ndaj Ruqit dhe Koçi i tregon kartonin e verdhë
88′ Zëvendësim i tretë edhe te Laçi, largohet Deliu, vendin e tij e zë Spahiu.
85′ Laçi i gjithi në sulm në kërkim të golit. Domgjoni i gjendur i vetëm në zonë godet me kokë, por topi shkon jashtë kuadratit.
84′ Tjetër moment i vështirë në portën e Vllaznisë. Gurishta bën heroin duke shpëtuar skuadrën nga një gol i sigurt.
83′ Zëvendësim i tretë te Vllaznia, largohet Krymi vendin e tij e zë Ruqi.
82′ Krijohet iluzioni i golit në “Loro Boriçi”. Lushkja harkon bukur në zonë për Xhixhën, i cili provon me një gjuajtje të bukur, por vendimtare ndërhyrja e Sherrit, i cili largon topin në këndore.
80′ Herald Marku provon me një gjuajtje nga distanca, topi kontrollohet në 2 kohë nga portieri Stazhilla.
77′ Zëvendësim edhe te Vllaznia, largohet Kruja, vendin e tij e zë talenti Lekaj.
76′ Zëvendësim te Laçi, largohet Turkaj, vendin e tij e zë i riu Malçi.
74′ Ndriçim Shtubina ndëshkohet me karton të verdhë për ndërhyrje të gabuar në mesfushë.
66′ Drithërima në “Loro Boriçi”. Redon Xhixha shpërdoron një rast të artë nga afro 11 metra duke gjuajtur jashtë kuadratit.
60′ Pranë golit të dytë Vllaznia. Kruja depërton bukur nga e majta, pason për Gilman Likën, i cili gjuan me të majtën, por topi shkon ngjitur me shtyllën e djathtë të Stazhillës.
54′ Zëvendësim te Vllaznia, largohet nga fusha i dëmtuar autori i golit Hygor, vendin e tij e zë Herald Marku.
52′ Zëvendësim i parë te Laçi, largohet Zaimi, vendin e tij e zë Elvi Berisha.
49′ Laçi provon të rrezikojë me 2 goditje radhazi nga këndi, por pa sukses.
46′ Starton pjesa e dytë.
Përfundon pjesa e parë.
45′ Akordohen 2 minuta shtesë.
45′ GOOOOL VLLAZNIA 1-0/ Shkodranët kalojnë në avantazh! Fantastik goli i Hygor. Mesfushori lëshon një predhë nga afro 22 metra, topi devijohet nga një futbollist i Laçit dhe përfundon në trekëndëshin e Stazhillës. Shpërthen festa në “Loro Boriçi”.
42′ Drithërima në portën e Laçit! Provon me një goditje në hyrje të zonës, Arsid Kruja, vendimtare ndërhyrja e portierit Stazhilla, i cili devijon topin në këndore. Pranë golit Vllaznia.
35′ Vapa shndërrohet në një problem serioz, bie ndjeshëm ritmi i ndeshjes. Mungojnë rastet kontrete në portën respektive.
28’ Mundësi e mirë për Laçin tashmë me Turkajn që niset shpejt nga e majta dhe hyn në zonë, duke provuar edhe një krosim, largojnë mbrojtësi vendas.
22′ Nuabueze është i ndëshkuari i parë i takimit, për protesta ndaj vendimit të gjyqtarit Koçi.
20′ Rasti i parë i rrezikshëm për Laçin. Mesfushori Lushkja, provon me një gjuajte të rrezikshme në hyrje të zonës, topi devijohet me vështirësi nga portieri Sherri.
15′ Bie disi ritmi i minutave të para, skuadrat mundohen të qarkullojnë topin në mesfushë.
7′ Tjetër mundësi shënimi për Vllazninë me Shtubinën, por gjuajtja e shkodranit është ndalur në momentin e fundit nga Domgjoni, i cili e ka devijuar rrezikun në këndore.
4′ Nisje e mirë për Vllazninë. Gurishta harkon një top në zonë për Krujën, i cili provon me një gjuajtje akrobatike, por nuk koordinohet siç duhet.
3′ Shans i artë për Vllazninë. Pas harkimit nga këndi, topi shkon te Shtubina, i cili provon me një gjuajtje, por jashtë kuadratit.
2′ Shkodranët menjëherë në sulm, Zogaj fiton goditjen e parë nga këndi.
1′ Ka startuar sfida në “Loro Boriçi”. Topi nga qendra është shkelmuar nga ish-futbollisti shkodran, Çlirim Basha.
FORMACIONET ZYRTARE:
VLLAZNIA: Sherri, Gurishta, Shehi, Malota, Gligorov, Hygor, Krymi, Kruja, Lika, Shtubina, Zogaj.
LAÇI: Stazhilla, Gjoni, Ignjatoviç, Domgjoni, Shehu, Zaimi, Lushkja, Turkaj, Deliu, Xhixha, Nuabueze.
