Një aksident i rëndë ka ndodhur në këto momente në “Unazën e Re” në Tiranë. Një burrë rreth 55-60 vjeç është përplasur nga një Audi Q6, duke humbur jetën.
Burri i përplasur qëndron ende në rrugë.
Kalimtarë të rastit e kanë vënë re dhe kanë lajmëruar policinë.
Ndërkohë, ambulanca, sipas dëshmitarëve, arriri me vonesë në vendin e ngjarjes.
“Rreth orës 21:15, në rrugën ‘Teodor Keko’, automjeti me drejtues E. S., 32 vjeç ka goditur një këmbësor rreth 55 vjeç. Si pasojë e përplasjes, këmbësori ende i pa identifikuar ka ndërruar jetë. Drejtuesi i automjetit shtetasi E. S është shoqëruar në Komisariat për veprime të metejshme hetimore. Grupi hetimor ndodhet në vendngjarje dhe po vijon punën për sqarimin e rrethanave të ngjarjes dhe shkakut të aksidentit, si dhe identifilimin e 55 vjeçarit që ndërroi jetë”, njoftoi policia.
