I riu që u arrestua sot me armë në çantë brenda lokalit në Tiranë është i skeduar nga policia si një nga autorët që qëlluan për të vrarë shtetasin A. B., 25 vjeç, banues në Tiranë. Jo vetëm kaq, por ai së bashku me të vëllanë, u vunë në akuzë në maj të 2016 si autorë të grabitjes se 180 mijë dollarëve.
Albert Gjonpalaj, i arrestuari i sotëm ishte shpallur në kërkim për ngjarjen e ndodhur në maj të vitit 2018.
Xhelozia për femrat që kishin në krah, ngacmuar nga i plagosuri u bënë shkak i sherrit dhe më pas tentativës për të vrarë të riun në Tiranë.
Gjonpalaj së bashku me një tjetër person, identifikuar si Xhoni Hitaj zbrazën karikatorin e pistoletës ndaj shtetasit A.B dhe më pas u larguan nga vendi i ngjarjes të ndihmuar nga një shok me një makine tip “Opel”.
Hitaj, i cili është me origjinë nga Librazhdi, rezulton person me precedentë të mëparshëm penalë.
Mesohet se ai është arrestuar në vitin 2016 për kanosje të tre personave. 23-vjeçari, së bashku me një shokun e tij, ishin konfliktuar me tre të rinj në rrugën “Nuçi Naçi” në kryeqytet dhe i kishin kërcënuar me armë. Në atë kohë, Policia i gjeti atij një pistoletë me 10 fishekë dhe materialet iu referuan Prokurorisë për kanosje dhe armëmbajtje pa leje.
Këta dy shtetas, në bulevardin “Bajram Curri” pas një konflikti për motive të dobëta kanë tentuar të vrasin me armë zjarri shtetasin A. B., 25 vjeç, banues në Tiranë.
Mesohet se motivi i sherrit qe coi ne perdorimin e armeve ishte se i plagosuri kishte ngacmuar të dashurat e dy autorëve.
Grabitja e kambistit
Ne maj te 2016, gazeta “Panorama” raportonte per vellezerit Gjonpalaj, Marian e Albert, qe u vune ne pranga nga Komisariati nr.6.
Ngjarja për të cilën ata akuzohen ka ndodhur më datë 7 mars, në rrugën “Llazi Mihi”, në Kombinat, para një banke të nivelit të dytë. Kambisti 38-vjeçar, me iniciale E.A., sapo kishte tërhequr 10 milionë lekë të rinj në bankë dhe i kishte futur në makinën e tij tip “Ford”, kur është sulmuar nga dy të rinj me skafandra motori në kokë.
Autorët, tashmë të arrestuar, janë përleshur me të dëmtuarit dhe kanë tentuar t’i hapnin me forcë makinën për t’i marrë shumën e parave. Por kjo situatë, duke qenë se ka ndodhur vetëm pak metra larg bankës, është parë nga rojet e sigurisë, të cilët kanë nxituar t’i vijnë në ndihmë kambistit e njëkohësisht kanë lajmëruar Policinë.
Pa arritur të realizojnë grabitjen dhe nga frika se mos Policia mbërrinte në vendngjarje, autorët janë larguar, duke hipur në një motor që e kishin parkuar vetëm disa metra larg bankës. Policia mbërriti në vendngjarje, por pa mundur të ndalonte autorët.
DYSHIMET
Përveç ngjarjes së ndodhur më 7 mars në Kombinat, Policia ka dyshime se dy të rinjtë mund të jenë përfshirë edhe në ngjarje të tjera kriminale.
Burimet thanë se ka dyshime, edhe pse të pambështetura në ndonjë provë konkrete, se ata mund të kenë marrë pjesë edhe në grabitjen e 180 mijë dollare, ngjarje e ndodhur disa ditë më parë para Sheratonit, në Tiranë.
Dyshimet janë ngritur vetëm nga pamjet e kamerave të sigurisë, pasi dy të arrestuarit kanë karakteristika fizike të ngjashme me personat që morën pjesë në grabitjen e disa ditëve më parë. /Panorama/
