Elvis Gurra i dënuar në burgun e Fierit, në një prononcim ekskluziv për Fax News ka deklaruar se është paguar nga vëllezërit Kusi, disa vite më parë për vrasjen e dy personave.
Griseldo Kusi 31 vjeç dhe Albano Kusi 28 vjeç, janë shpallur në kërkim nga policia se dyshohen se kanë vrarë ditën e djeshme në banesën e tyre Indrit Çelajn.
Por skandali thellohet pasi, vëllëzërit Kusi, janë akuzuar nga Elvis Gurra se i kanë ofruar një shumë të madhe parash prej 70 mijë për të vrarë dy persona, vrasje e cila ka mbetur në tentative.
Gurra ka deklaruar se materialet i ka referuar në Prokurori, por askush nga vllezërit Kusi nuk është thirrur ndonjëher.
Ndër të tjera Gurra zbuloi se Festim Dushku e ka lidhur me vëllezërit Kusi, ndërkohë që ka shtuar sei ka denoncuar për disa vite rresht, por askush nuk i ka shoqëruar.
“Jam Elvis Gurra i dënuar në burgun e Fierit dhe në 2008 kam plagos shtetasin Roland Domi. Jam paguar konkretisht nga Lulzim Kusi, Bujar Kusi, Bashkim Kusi dhe Rruzhdi Kusi. Unë kam marrë dënimin për këtë që kam bërë, jam gati të bashkëpunoj me prokurorinë. I kam denoncuar dhe nuk tremben fare për këtë gjë. Jam paguar 70 mijë euro dhe kanë mbetur të plagosur. Kan problem të ndryshme. Jam i gatshëm të flas me prokurorinë. Asnjë nuk kam bashkëpuntor. Nuk kam marrë asnjë lek se nuk mbaroj puna deri në fund. I kam lajmëruar të gjitha institucionet. Kam të gjitha letrat e shkruara. Vrasësit janë të lirë, kanë vrarë edhe persona tjerë. Se ka marrë mundësinë njeri të kontaktojë me mua. I mbron tjetër kush. Në 2008 ka ndodhur. Festim Dushku ka qen në kontakt me mua. Kur je pa punë çfarë do bësh do gjesh lek me hongër bukë. Unë kam qenë një herë në burg për armëmbajtje. Drejtpërdrejt me mua. Nipat janë të përzier me vrasje me gjëra. Kanë dhënë urdhër me vra shumë veta. Prokuroria nuk më ka marrë asnjë herë në pyetje. Dhe të gjithë janë të korruptuar. Çdo gjë e kanë organizuar ato. Unë vetëm ka gjuajtur. Nënëdrejtori i Policisë Tiranës është çuni i tezez së Gezim Kusit. Me premtuan 70 mijë euro dhe me kanë dhënë vetëm 3 milionë. Nuk shoqërohen në polici dhe mbrohen nga dikush shumë i fuqishëm. Fshihen persona shumë të rëndësishëm. rasësit e Indrit Çeljat më kanë paguar mua për një vrasje. E kam bërë denoncimin edhe në Prokurori.Në dosje nuk figuroj bashkëpunëtor.“– ka thënë ndër të tjera, Gurra ekskluzivisht për Fax News.
Një prej personave që u arrestua sot për armëmbajtje pa leje teksa lëvizte me një automjet të blinduar, Roland Domi, nuk është një emër i panjohur për policinë.
44-vjeçari nga fshati Pezë i kryeqytetit, është person me precedent të mëparshëm penal, ndërsa është dënuar më parë për “Heqje e paligjshme e lirisë” dhe “Vrasje në bashkëpunim e mbetur në tentativë”. i njëjti episode, si ky i sotmi, ka qenë edhe ai i 12 majit të 2012-ës, kur Domi u arrestua nga policia e Tiranës me armë pa leje në një makinë luksoze, ndërkohë që pak vite më parë (2008) ai i ka shpëtuar një atentati në kryeqytet.
Gjatë marrjes në pyetje në atë kohë, Domi, i cili është edhe në listën e personave më të kërkuar nga Interpoli, e ka justifikuar mbajtjen e armës për vetëmbrojtje, duke i rikujtuar policisë atentatin në parkingun e një lokali të njohur në zonën e “Ali Demit”, ku mbeti i plagosur rëndë. Më 17 maj 2008, në rrugën “Ali Demi”, në parkingun e një lokali, Roland Domi dhe miku i tij Çlirim Goroshjani janë qëlluar me armë zjarri kur po hipnin në makinën “Mercedez Benz”, me targa TR 1380 L, në pronësi të Domit.
Të dy arritët t’i mbijetonin këtij atentati, ndërsa disa muaj pas ngjarjes, Policia e Tiranës arrestoi si të dyshuar Elvis Gurrën, i cili tashmë është dënuar me 20 vjet burg për këtë ngjarje. Por, edhe vetë Domi u bë pjesë e një procesi gjyqësor, ku akuzohej për “heqje të paligjshme lirie” ndaj personit që tentoi ta vriste. Ky proces u mbyll dhe Domi u shpall i pafajshëm, pasi nuk u gjetën prova të mjaftueshme kundër tij.
