Katër persona janë plagosur rëndë si pasojë e një aksidenti në afërsi të Balldrenit, në Lezhë.
Në aksident janë përfshirë 3 automjete, ndërsa njëri prej tyre pothuajse është shkatërruar. Nga videot shihet se një prej automjeteve është përplasur me mbrojtëset e vendosura anash rrugës, të cilat kanë shmangur daljen e makinës jashtë aksit rrugor.
Të plagosurit janë transportuar drejt spitalit rajonal të Lezhës, ndërsa policia ka nisur hetimet.
Pamjet e mëposhtme tregojnë momentet e para pas aksidentit, kur forca të shumta policore ndodhen në vendin e ngjarjes dhe po hetojnë mbi shkaqet e aksidentit.
