Kryeministri Edi Rama ka postuar në rrjet disa foto nga Pogradeci, ndërsa ka premtuar nisjen e punimeve me themel në rrugën e Tushemishtit, të cilën e quan “lungolago”.
Por një prej ndjekësve të Kryeministrit në rrjet, duke replikuar i shkruan “po thuaj shëtitorja e Lasgushit, a i uruar”.
Por i menjëhershëm ka qenë reagimi i Ramës që në përgjigjen e tij shkruan “mos ia qaj hallin Lasgushit, ashtu mund t’a quajmë”.
Postimi i Ramës
Edhe në zonën e një kalaje tjetër të rënë bashkë me Lëvizjen Antishtet, në Pogradec, ku punonjësit e bashkisë kishin hedhur lopatat e fshesat dhe ishin kthyer në turistë politikë, ik e eja në Tiranë me autobuzët e protestave, ka nisur menjëherë pas konstituimit të kryebashkiakut të ri, pastrimi i kodrave me plehra buzë liqenit e i pluhurit e ferrave që kishin marrë rrugët🤮
Së shpejti nis rindërtimi me themel i rrugës së Tushemishtit dhe me patjetër në vijim, transformimi i vijës liqenore në një “lungolago” spektakolare për banorët e për turistët e qytetit të Lasgushit😊
#PogradeciqëDuam☀️
#ShqipëriaqëDuam🇦🇱