Policia e Vlorës ka arrestuar shtetasin A.SH, 41 vjeç, banues në Vlorë.
41-vjeçari u arrestua në flagrancë për “Dhunë në familje” dhe “Veprime në kundërshtim me Vendimin e Gjykatës”, pasi kjo e fundit kishte vendosur urdhër mbrojtjeje për familjarët e tij.
Seksioni për Hetimin e Krimeve pranë Komisariatit të Policisë Vlorë ka bërë arrestimin e tij, pasi ditën e djeshme ky shtetas ka shkelur Urdhrin e Gjykatës duke shkuar në banesën e familjarëve të tij në lagjen “28 Nëntori” dhe ka dhunuar psikologjikisht vëllain, nënën e tij por edhe të afërm të tjerë për motive të dobëta.
Bëhet me dije se kjo situatë është e përsëritur pasi 41-vjeçari ka qenë i dënuar më parë për të njëjtën vepër penale.
