Mediat serbe shkruajnë se presidenti i Turqisë, Recep Tayyip Erdogan, viziton Serbinë në datë 29 gusht, nga ku i pari i shtetit turk do të formalizojë edhe zyrtarisht fillimet e punimeve në autostradën Beograd-Sarajevë.
Megjithatë, këto janë ende informacione të pa konfirmuara.
Një marrëveshje tregëtare për hartimin e planit të detajuar për ndërtimin e seksioneve të autostradës Beograd-Sarajevë midis Qeverisë së Serbisë dhe kompanisë turke Tashjapi u nënshkrua në dhjetor të vitit të kaluar.
Ndërtimi i autostradës Beograd-Sarajevë ia mundëson Serbisë që të lidhet me Korridorin Evropian 5, që lidh Hungarinë, Kroacinë dhe Bosnjën e Hercegovinën me korridoret 10 dhe 11 brenda Serbisë.
Ndërkohë që në Serbi marrëveshjet me Turqinë parashikojnë miliarda dollarë investime, në Shqipëri në mesin e muajit korrik, pa transparencë dhe me një ceremoni të organizuar jashtë vëmendjes së mediave dhe opinionit publik, u vendos memoriali i ushtarëve turq, që humbën jetën në grushtin e dështuar të shtetit 3 vjet më parë.
Vendosja e memorialit ka shkaktuar reagime të shumta, pro dhe kundër, ndërsa Zëri i Amerikës është një nga mediat ndërkombëtare që ka kërkuar transparencë lidhur me vendimmarrjen.
