Valdrin Pjetri ka lidhje të forta me kunatin e zëvendëskryeministrit Erion Braçe. Këtë e provojnë edhe pamjet në ditën e inaugurimit të hotelit luksoz në periferi të kryeqytetit, ku Pjetri është bashkëpronar.
Jo vetëm ka qenë i pranishëm, por kunati i Erion Braçes shfaqet i lumtur pranë Pjetrit, të dorëhequr nga marrja e postit të kryebashkiakut të Shkodrës, që e fitoi nga votimet e 30 qershorit, pas publikimit nga PD të dokumenteve që dëshmojnë dënimin e tij me burg në Itali, për trafik droge.
Ne pamjet e fiksuara në prill të vitit 2017 shfaqet ish-ministrja e Ekonomisë dhe Turizmit Milva Ekonomi, në të djathtë të Pjetrit. Krah ish-ministres së qeverisë Rama, duket Ergys Qirici, asokohe ish-drejtori i Shërbimeve Mbështetëse në ministrinë e drejtuar nga Ekonomi me bashkëshorten Alketa Braçe. Ergys Qirici është kunati i zëvendëskryeministrit Erion Braçe dhe i njohur edhe për lidhje të ngushta me figura me pushtet politik në Partinë Socialiste, siç ishte dhe Valdrin Pjetri.
Të dy, si Ergys Qirici dhe Valdrin Pjetri kanë mbajtur poste të larta në drejtoritë e ministrive të qeverisë së Edi Ramës.