Kryeministri Edi Rama ka publikuar në rrjet foto mbi rikonstruksionin e rrugëve në zonat bregdetare. Rama ka publikuar së fundmi investimet në zonën e Shkëmbit të Kavajës, ndërsa shkruan se puna vazhdon çdo natë edhe gjatë sezonit veror.
Por referuar fotove të publikuara nga vetë Kryeministri duket qartë se punëtorët dhe një mbikqyrës i punimeve janë të veshur me rroba dimri. Nuk dihet nëse dikush nga stafi i Kryeministrit ka ngatërruar pamjet, apo përmes tyre po tentohet të gënjehet publiku.
Postimi i Ramës
Vazhdon çdo natë edhe gjatë sezonit veror, sistemimi i rrugëve dhe vendosja e ndriçimit në zonën turistike të Shkëmbit të Kavajës, ku katrahurës, pluhurit, errësirës, xhunglës 30-vjeçare të ndërtimeve pa hesap përgjatë brezit bregdetar, po i ze vendin hap pas hapi, një rrjet normal infrastrukture falë Programit Kombëtar të Rilindjes Urbane😊
Gur gur bëhet muri dhe mur mur bëhet kalaja, thotë Populli, paçka se të kërkosh sot durim, pas aq shumë vitesh të shkuara mbrapsht, duke i’a futur kot e shkatërruar medemek për të ndërtuar, është si të kërkosh ujë në shkretëtirë🤭
#ShqipëriaqëDuam☀️🇦🇱
